لاي لاي لار

اوشاغلار اوچون لاي لاي

بالاما قوربان اینکلر................بالام نه واخت ایمکلر

بالاما قوربان ایلانلار..............بالام نه واخت دیل آنلار

بالاما قوربان دایلاقلار...........بالام نه واخت اویناقلار

بالاما قوربان سئرچه لر........بالام نه واخت دیرچللر

بالاما قوربان بیزوولار..........بالا م نه واخت دوز اوینار

بالاما قوربان دایجالار............بالام نه واخت ال چالار

بالاما قوربان خالاسی..........بالام قیزیل پاراسی

***********************

بالاما جان دئمیشم

آغلاما، جان دئمیشم

بالام دیل آچان گونه

قوزو قوربان دئمیشم

***********************

خیرداجاسان، مزه سن

سن هر گولدن تزه سن

قوربان اولوم اوگونه

آیاق توتوب گزه سن.

*********************

یول اوسته یولاق اوللام

آخارام بولاق اوللام

سن منیم اؤز بالامسان

اؤزوم گؤز قولاق اوللام

***********************

لای لای دئدیم اوجادان

سسیم چیخمیر باجادان

تانری سنی ساخلاسین

چیچکدن، قیزیلجادان

***********************

لای لای دئدیم یاتاسان
قیزیل گوله باتاسان
قیزیل گولون ایچینده
شیرین یوخو تاپاسان

***********************

لای لای دئدیم یاتینجا
گؤزلرم آی باتینجا
جانیم دوداغا یئتدی،
سن حاصیله چاتینجا

***********************

بالامین یوخوسو گلیر
لای لایی نین سسی گلیر
اوزاق-اوزاق داغلاردان
بالامین داییسی گلیر

***********************

لای لاییْ نام یات بالام
گوُن ایله چیْخ بات بالام
من آرزوما چاتمادیم
سن آرزووا چات بالام

***********************

لای لای آهو گؤز بالام
لای لای شیرین سؤز بالام
گؤزَل لیکده دونیادا
تکدی منیم اؤز بالام

***********************

لالاییْ نام اؤز بالام
قاشی قارا گؤز بالام
دیلین بالدان شیرین دیر
دوداغیْندا سؤز بالام

***********************

لایْ لایْ دیلین دوز بالام
دیل آچ گینان تئز بالام
من اوتوروم سن دانیْش
شیرین شیرین سؤز بالام

***********************

لای لای بالام گوُل بالام
من سَنَه قوربان بالام
قان ائیلَه مَه کؤنلوُموُ
گَل مَنَه بیر گوُل بالام

***********************

لای لاییْ نام گوُل بالام
تئل لَری سوُنبوُل بالام
کَپَنَک دَن سئرچَه دَن
یوخوسو یوُنگوُل بالام

***********************

لای لای امگیم بالا
دوزوم چورگیم بالا
تانریدان عهدیم بودر
گوروم کومکین بالام

***********************

خیرداجا قیزیم بیر قطره

گئتدی بولاغدان سوگه تیره

آناسی دئدی جينقلی سان

کوزه نی سالیب سیندیری سان

***********************
لالای بئشیگیم لای لای

ائويم ائشیگیم لای لای

سن یات شیرین یوخو گور

چه کیم کئشیین لای لای

***********************
لای لای دئدیم بویونجا

باش یاسدیغا قویونجا

یات سن گول یاتاغیندا

باخیم سنه دویونجا
***********************

لای لای دئدیم یاتینجا

گوزله ره م اویانینجا

زاراآمانا گلدیم

سن حاصیلا چاتینجا
***********************

لای لای امه ییم لای لای

دوزوم چوره ییم لای لای

تانری دان عهدیم بودور

گوروم کومه یین لای لاي

لاطران ...